Avropa istehsalı olan elektromobillər bahalaşacaq – SİYASİ SƏBƏB

Birinci sənaye inqilabından sonra belə bir iqtisadi qanun bərqərar olub: bir məhsulun ucuz başa gəlməsi üçün kütləvi istehsal şərtdir. Bəli, bu prinsip doğrudur, lakin kənar müdaxilələr də nəzərə alınmalıdır. 

Avtosfer.az xəbər verir ki, Renault şirkətinin rəhbəri Luka de Meonun elektromobillərin yaxın illərdə daha da baha olacağı barədə rəyi ciddi marağa səbəb olub. Lakin portuqal əsilli iş adamı iddiasını əsaslandıra bilib. 
Meo bildirib ki, artıq Avropanın avtomobil sənayesi artıq orta təbəqəyə aid avtomobil (10 min avroluq) istehsal edə bilmir. Bu təbəqəyə əlçatan olmadıqda isə kütləvi satış və avtomobil sənayesinin inkişafı mümkün olmur. Eyni zamanda elektromobilə 2035-ci ilədək keçidin tətbiqi sektora ziyan vurur.

İş adamı həmçinin, siyasi müdaxilələrin də sektora çətinlik yaratdığını iddia edir. O bildirib ki, Avropa Şurası 2030-cu ilədək avtomobillərlə bağlı hər il 8-12 yeni tənzimləmə və  tələb irəli sürəcək. Bütün bunlar avtomobilin maya dəyərini 40 faizədək artıracaq. Bu artım bazara aşağı qiymətli məhsul çıxarmağa imkan vermir. Son nəticədə isə daha ucuz məhsul təklif edən çinli istehsalçılar qabağa düşürlər.

 Vüqar Yaşaroğlu