Elektromobillər yeraltı xəstəxana parkinqlərinə buraxılmasın - QORXUNC NƏTİCƏLİ SINAQ KEÇİRİLDİ

Fransız tədqiqatçılar parkinqdə yanan və ya batareyası partlayan elektromobilin hansı fəsadlar doğuracağını yoxlayıblar.

Avtosfer.az xəbər verir ki, bunun üçün yeraltı parkinqi imitasiya edən qapalı məkan hazırlanıb. Betondan hazırlanan məkanın üzərinə isə ev əşyaları (mebel, məişət texnikası, divan) qoyulub.
Partlayışın gücü 1,5 kiloqram trotil ekvivalentində olub və proses kameralarla izlənib. Belə nəticəyə gəlinib ki, elektromobil parkinqdə partlayacağı təqdirdə aşağı mərtəbədə yaşayanlar ciddi xəsarət ala bilərlər. Aşağı ətrafların zədələnməsi riski böyükdür. Partlayışın təsirindən sakinlər döşəməyə və ya divara çırpılıb həyatını itirə bilərlər.
Tədqiqatçılar bu testdən sonra 2 ciddi tövsiyə ediblər: 1. Yeraltı parkinqlərdə doldurma qurğuları yerləşdirilməsin. 2. Xəstəxanaların və bağçaların yeraltı qarajlarında isə elektromobillərin parklamasına ümumiyyətlə icazə verilməsin.

Vüqar