ABŞ-da auksionda “Forsaj” filminin Pol Uoker tərəfindən canlandırırlan qəhrəmanının sürdüyü avtomobil satılıb. 1994-cü ilin “Toyota Supra”sı 550 min ABŞ dolları müqabilind satılıb.

Qeyd etmək lazımdır ki, “Forsaj” saqasının ümumiyyətlə 9 seriyası çıxıb.

İlk seriyanın çəkiliş qrupu P.Uoker üçün seriya modelini seçir, lakin Kaliforniyada yerləşən “The Shark House” firmasına orijinal tüninq etməyi tapşırır. Bu səbəbdən də həmin avtomobil milyonlarla izləyicin yaddaşında qalır. Xüsusən də xatirələrə Nuclear Gladiator (“Nüvə qladiatoru”) yazısı həkk olunur.

Qeyd etmək lazımdır ki, “Forsaj”ın ikinci seriyası üçün maşını başqa boya ilə rəngləyirlər və onu artıq başqa personaj sürür. Lakin franşizanın fanatları bundan xoşlanmırlar.

“Nüvə qladiator”unun populyarlığı o qədər geniş olur ki, “Toyota” 1998-ci ildə istehsalını dayandırdığı “Supra” modelinin yeni versiyasını buraxmağa qərar verir. Qeyd etmək lazımdır ki, şirkət öz planını 2020-ci ildə reallaşdırır.