"Honda Motor"un xalis mənfəəti KƏSKİN ARTIB

Yaponiyanın Honda Motor konserninin xalis mənfəəti iyunun 30-da başa çatan 2023-2024-cü maliyyə ilinin birinci rübünün nəticələrinə əsasən illik müqayisədə 2,4 dəfə artaraq 363,069 milyard yen (təxminən dollar 2,5 milyard dollar) təşkil edib.

Avtosfer.az xəbər verir ki, bu barədə şirkətin maliyyə hesabatlarında bildirilir. 

Səhmbaşına mənfəət bir il əvvəlki 87,23 yen (0,6 dollar) səviyyəsindən 219,06 yenə (1,53 dollar) yüksəlib.

Honda-nın gəliri 20% artaraq 4,62 trilyon yenə (32 milyard dollar) çatıb.

Martın 31-də başa çatan bütün maliyyə ili üçün şirkət gəlirinin 7,6% artaraq 18,2 trilyon yen (127 milyard dollar) olacağını gözləyir. İl üçün xalis mənfəətin 22,8% artım ilə 800 milyard yen (5,6 milyard dollar) olacağı proqnozlaşdırılır.

Honda Motor 1946-cı ildə yaradılıb. 1960-cı illərə qədər şirkət yalnız motosiklet istehsalı ilə məşğul idi. Şirkət 1970-ci illərdən başlayaraq özünü beynəlxalq bazarda aparıcı Yapon avtomobil istehsalçılarından biri kimi göstərə bilib. (Marja)