İlon Mask Model 3-dəki səhvlərini etiraf etdi

Kanadalı avtomobil mühəndisi Sandy Munro Texasdakı SpaceX müəssisəsində İlon Maskdan müsahibə alıb. O, çıxışında Model 3-ün istehsal problemlərindən bəhs edib. 

Tesla rəhbəri istehsalın qaydaya salınmasının bir az vaxt aldığını və hər şeyi düzəltməyin mümkünsüz olduğunu bildirib.

Bundan əlavə, İlon Mask Model 3-ün boya problemi yaşadığını da bəyan edib. Qeyd edilib ki, bəzi avtomobillərin müəyyən yerlərində boya seyrəlir, qopur və qüsurlar yaranır. Buna səbəb kimi isə bəzi maşınların quruması üçün kifayət qədər vaxtın olmaması göstərilib.

Həmçinin bəzi Model 3-lərin panel problemləri ilə gündəmə gəldiyi qeyd edilib. (ted.az)