İndi qayda pozan sürücülərin maşınını yol polisi avtomobili deyil, dronlar təqib edir - FOTO

Bu yol işarəsinə yalnız 1 ölkədə rast gəlmək mümkündür. Avtosfer.az xəbər verir ki, İspaniyada çətin, radarın səmərəsiz olduğu ərazilərdə yol hərəkətinə dron və helikopterlər nəzarət edir. Bu işarə də məhz havadan sürət rejiminə nəzarət edildiyini göstərir. Sürücünün 120 metr yüksəklikdə xidmət aparan dronu görməsi qeyri-mümkündür. Lakin onlar 2 km məsafədən sürəti ölçə, hətta sürücünün kəmər taxıb-taxmadığını, telefonla danışdığını da qeydə ala bilir.

İspan polisinin arsenalında 39 belə dron var. Dronlar avtomobili 80 km/saat sürətlə təqib də edə bilir. Bu sürət kiməsə kiçik görünə bilər, lakin ən çevik avtomobili belə nəzarətdə saxlamağa kafidir. 

Cəriməyə gəlincə, öküz döyüşdürənlərin ölkəsində kəmər taxmamaq və ya sükan arxasında telefonla danışmaq 200 avro cərimə ilə (təxminən 360 manat) cəzalandırılır.

Vüqar