Maşında olan itlər niyə başını pəncərədən çölə çıxarır? - Maraqlı İZAH

Avtomobildə olan itlərin başlarını adətən pəncərədən çölə çıxardığına dəfələrlə şahid olmuşuq. Buna görə sürücülərlə polis arasında problemlər də olub (təkcə Azərbaycanda deyil). Bəs nə üçün itlər maşının pəncərəsindən başını çıxarmağı xoşlayır?

Avtosfer.az xəbər verir ki, insanlardan fərqli olaraq itləri təbiət mənzərəsinin dəyişməsi çox da maraqlandırmır. Kaliforniya Universitetinin əməkdaşları sübut ediblər ki, itləri bayırdan gələn qoxu cəlb edir. Göz itiliyinə görə insan üstün olsa da, iy hissiyatına görə itlər əksər canlıları qabaqlayır. Avtomobildə olan insan yalnız işlənmiş qazların iyini hiss etdiyi halda, itlər bir neçə yüz metrdən təzə biçilən otun, ya da çörək zavodunun iyini duyur.
İtlərin bu qabiliyyəti beyin fəaliyyəti ilə əlaqəlidir. İtin beyin fəaliyyətinin 35%-i qoxuları hiss etməyə yönəldiyi halda, insanda bu rəqəm 5%-i ötmür.

O ki qaldı qadağa məsələsinə, əksər ölkələrdə heyvanların daşınma qaydalarının pozulması inzibati məsuliyyət yaradır.

Vüqar