Rusiya İrəvana xüsusi avtomobillər verir

Rusiya hökuməti Ermənistanın Fövqəladə Hallar Nazirliyinə yanğınsöndürən maşınlar verəcək.

Avtosfer.az xəbər verir ki, bu ianə ilə bağlı qərar hökumətin iclasında qəbul edilib. Qeyd edilir ki, İrəvan 6 xüsusi avtomobil əldə edəcək.

Xatırladaq ki, İrəvana yaxın ərazi olan Balaovit kəndində Rusiya-Ermənistan Humanitar Müdaxilə Mərkəzi fəaliyyət göstərir. Erməni mediası bu xüsusi strateji obyektin digərləri ilə yanaşı, xilasetmə ehtiyacları üçün avadanlıqlarla təchiz olunduğunu yazıb.

Bildirilir ki, Ermənistan və Rusiyanın xilasediciləri davamlı olaraq, o cümlədən Rusiya-Ermənistan Humanitar Müdaxilə Mərkəzi çərçivəsində əməkdaşlıq edirlər.

AzVision.az