Ruslar "ZİL"i ləğv edib xatirəsini metroda yad etdilər - FOTO

Moskva şəhərindəki prosesi başqa ifadə ilə təsvir etmək mümkün deyil. Avtosfer.az xəbər verir ki, Moskva metropoliteninin Troitsk xəttində yeni tikilən stansiyalardan biri ZİL adlandırılacaq. Məşhur avtomobil zavodunun adını daşıyan stansiyanın vestibülünü ilə zavodda vaxtilə istehsal edilmiş maşınların panoları bəzəyəcək. 
Amma bir maraqlı sual da ortaya çıxır: zavodun xatirəsini yaşatmaqdansa özünü yaşatmaq daha yaxşı olmazdımı? Müəssisənin yüzlərlə hektar ərazisində bərqərar olan, 50-60 il müddətinə tikilmiş sexlər sökülərək yerində göydələnlər, ticarət mərkəzləri ucaldıldı. Bunun əvəzinə zavoda sərmayə qoyaraq daha müasir texnika istehsal etmək mümkün deyildimi? Ölkənin ilk yük avtomobili zavodunu ən azından tarixə hörmət xatirinə saxlamaq olardı. 2 qlobal müharibədən salamat çıxan zavod, 90-cı illər Rusiyasının iqtisadi sistemindən salamat çıxa bilmədi.

Vüqar