Toyota-dan iki möhtəşəm YENİLİK - Yepyeni ”Corolla Cross” və sadəcə “Corolla” - FOTO-VİDEO

Gürcüstanın Batumi şəhərində Toyota Qafqaz şirkətinin təşkil etdiyi test yürüşü Corolla Cross və yenilənimiş Corolla avtomobilləri sınaqdan keçirildi. Yağışlı-çiskinli, bəzən də tufanlı hava şəraitində hər iki avtomobilin müxtəlif versiyaları media əhlinin ixtiyarına verilmişdi. Qismət elə gətirdi ki, yenilinməş “Toyota Corolla” avtomobilini ilk sınayanlardan olduq.

Corolla həvəskarları bu avtomobili bu il Azərbaycanda da rəsmi qaydada əldə edə biləcəklər. Maşının özəlliyi odur ki, Toyota 2023-cü il üçün Corolla seriyasında üslub, texnologiya, performans və sürüş cazibəsini gücləndirib. Yeni eksteryer xüsusiyyətləri, rəngləri ilə yenilənmiş dizayn və uyğunlaşdırılmış interyer bəzək, üzlük və bitirişlər diqqət çəkir. Daha çox güc, daha çox sürücülük təcrübəsi və performans təmin edən yeni beşinci nəsil Toyota hibrid elektrik texnologiyası ilə təqdim olunur. Bu maşında siz təkmilləşdirilmiş rəqəmsal istifadəçi təcrübəsi ilə tanış olacaqsınız. Fərdiləşdirilən 12,3 düymlük kombimetr və yeni tam ölçülü 10,5 düymlük multimedia ekranı ilə Corolla GR SPORT daha eksklüziv dizayn xüsusiyyətlərinə sahibdir.

Yarım əsrdən artıqdır ki, mövcud olmasına baxmayaraq, Corolla həmişə sürücülərin ehtiyac və seçimlərindəki dəyişikliklərlə ayaqlaşır. Ancaq bu yolla, 1966-cı ildən bəri 12 nəsildə 50 milyondan çox satış rekordu əldə edib.

Corolla modeli Azərbaycanda da daim sürücülər tərəfindən rəğbət bəslənən, tələb olunan və yüksək satış rəqəmlərinə çatmış bir modeldir.

Zamana uyğunlaşmaq qabiliyyəti bu gün Yeni Corolla-nın elanı ilə də özünü göstərir. Gözdən qaçmayan eksteryer və interyer yeniləmələri 12-ci nəsil Corolla dizaynının təkamülü ilə birlikdə, güc aqreqatı və elektronikada daha əhəmiyyətli dəyişikliklər edilib.

Corolla həm də öz seqmentində tam hibrid elektrik enerjisi, yanacaq səmərəliliyini təmin edən texnologiya və müştərilər üçün sürətlə artan prioritetlərdən olan sıfır emissiyalı sürmə xüsusiyyəti ilə yeganə model çeşidi olmaqla rəqabət üstünlüyünü qoruyur.

Yeni Corolla, Toyota-nın dünyada liderlik edən özü enerji yığan tam hibrid elektrik sisteminin beşinci nəslinə malikdir. Mövcud modeldə olduğu kimi, 1,8 litrlik hibrid sistemlər əlavə güc, təkmilləşdirilmiş performans və sürmə qabiliyyəti ilə yanaşı eyni və ya aşağı CO2 emissiyası ilə sürücülük təcrübəsini artıran mühərrik və elektrik mühərrikində əhəmiyyətli dəyişikliklərdən faydalana bilir. Gücə nəzarət bölümü (PCU) və ötürmə qutusu güc aqreqatı yenidən işlənib eləcə də artıq litium-ion batareyası daha güclü, lakin daha kiçik və yüngüldür (güc aqreqatından asılı olaraq kütlə 18 kq-a qədər azaldılıb).

Yeni Corolla, ən son nəsil Toyota Safety Sense paketini digər aktiv sürücülük və parkinq yardım sistemləri ilə birləşdirən Toyota T-Mate ilə təchiz edilib ki, bu da avtomobili idarə etməyi asan və təhlükəsiz etməklə yanaşı, həm də avtomobildəki bütün sərnişinləri və yoldakı digər səyahət edənləri qorumağa kömək edir.

Sistemlərin işləməsi və funksionallığındakı təkmilləşdirmələr arasında, aşağı sürətlə səyahət edərkən qaz pedalının ani istifadəsinə reaksiya verən Akselerasiya Önləyici; kəsişmələrdə dönmə zamanı toqquşmadan yayınma dəstəyi; qarşıdan gələn avtomobillərə reaksiya verən Təcili Sükan Dəstəyi; yandan baş verəcək toqquşmaların qarşısının alınması və döngəli yolda sürətin azaldılması daxildir.

Toyota T-Mate xüsusiyyətlərinə Təhlükəsiz Çıxış Dəstək sistemi daxildir. Bu, arxadan yaxınlaşan bir avtomobilin və ya velosipedçinin yoluna qapının açıldığını aşkar edərsə, xəbərdarlığı işə salır. Həmçinin, avtomobili tərk etməzdən əvvəl sürücüyə arxa oturacaqlarda nəsə unudub unutmadığı barədə xəbərdarlıq edən yeni Arxa Oturacaq Xatırlatma (Rear Seat Reminder) xüsusiyyəti mövcuddur.

O ki qaldı yeni Toyota Corolla Cross modelinə, bu maşın gənc ailələr üçün daha səmərəlidir. Batuminin yağışlı yollarında keçirdiyimiz test yürüşlərində maşındakı səssizlik, rahatlıq diqqəti çəkir. Avtomobilin sürücüyə göstərdiyi texniki dəstək Toyotanın təhlükəsizliyə verdiyi önəmi bir daha nümayiş etdirir. Sözün düzü, biz avtomobili ilk dəfə test etsək də Gürcüstanda artıq bu maşınlara yollarda tez-tez rast gəlmək mümkündür.

Nəzərə almaq lazımdır ki, müasir Corolla çeşidi Corolla Cross praktiki ailə avtomobili C-SUV sinfinə daxildir. Beləliklə, Toyota Avropa C-seqmentində və ümumi bazarda ən geniş SUV modelləri içərisində daha da güclü seçilir.

Bu yeni model Toyota T-Mate vasitəsilə təhlükəsizlik səviyyəsi və sürücülük assistentliyinin inkişafını, Toyota Safety Sense vasitəsilə qəza riski aşkarlanması və aktiv təhlükəsizlik funksiyalarının artımını nümayiş etdirir. Avtomobil zərbəyə məruz qaldıqda onun sərt konstruksiyası və hərtərəfli təhlükəsizlik xüsusiyyətlərilə avtomobildəki hər kəs üçün güclü qorunma təmin edir.

Daha ətraflı Avtosfer.az saytının rəhbəri Elməddin Muradlının Batumidəki test yürüşündən hazırladığı videomaterialdan tanış ola bilərsiniz.

Elməddin Muradlı