Türkiyədə elektriklə işləyən avtobuslar - İLK DƏFƏ

Türkiyədə ilk dəfə olaraq ultrasürətli şarj olunma xüsusiyyətinə malik litium akkumulyatorlu avtobuslar test üçün yollara çıxıb. Həm ekonom, həm də ekologiyaya faydalı olan bu avtobuslar saatda 90 kilometr sürətlə hərəkət edə bilir. Avtobuslar ilk dəfə “gələcəyin şəhəri” adlandırılan Samsunda küçələrə çıxıb. Test üçün 20 maşın dövriyyəyə buraxılıb.

Avtobusların akkumulyatorlarını Türkiyənin “Aselsan” şirkəti hazırlayır. Avtobus bütövlükdə qardaş ölkənin özündə istehsal olunur. Dizel yanacağl ilə işləyən ictimai nəqliyyatın gündəlik xərci 500 Tl olduğu halda, bu avtobuslar 90 Tl xərc tələb edir. Avtobus 3 saata şarj olunur. Tam şarj edildiyində 400 kilometr yol qət edə bilir.

Bu avtobusların xidməti tramvay və trolleybuslardan 12 qat daha ucuz başa gəlir.

Vüqar