Yarımkeçirici sektoruna rekord sərmayə 

Dünyanın avtomobil və elektronika sənayesini təhdid edən yarımkeçirici böhranı dərinləşir. Bu sahəyə sərmayələr ifrat böyük həcmdə olsa da, problemin həlli yaxın aylarda real görünmür. 
Avtosfer.az xəbər verir ki, elektronika detalları istehsalı şirkətləri yaxın 2 ildə yarımkeçirici istehsalına 500 milyard dollar sərmayə qoyacaq. Söhbət yeni istehsal və emal müəssisələrinin tikintisindən gedir. Məqsəd avtomobil sənayesinin artan ehtiyacını ödəməkdir. Yaxım 3 ildə müxtəlif ölkələrdə 84 istehsal müəssisəsinin fəaliyyətə başlaması nəzərdə tutulur. 
Yarımkeçirici istehsalçılarını birləşdirən SEMİ assoasiasiyasının hesabatına görə, açılması nəzərdə tutulan 84 müəssisənin yarısında tikintinin əsas hissəsi başa çatıb.  Gələn il 33 zavodun tikintisi başlamalıdır ki, bu da rekord göstərici hesabn edilir. Cari ildə 23 zavodun tikintisinə başlanıb. Bu da 2020-2021-ci illərdəki ümumi göstıəricidən çoxdur. Xammalın bahalaşması, yüksək faizlər və Ukrayna müharibəsi risk yaratsda da, iş adamları bu sahəyə pul qoymaqdan çəkinmir. Bir çox hökumət bu sahədə istehsalı təşviq edir 
Son 2 ildə bir çox ölkə yarımkeçirici istehsalçılarını istehsalat qurmaq üçün dəvət edib. Ötən fevralda Avropa Komissiyası yarımkeçiciri istehsalına 43 milyard avro ayırıb. Məqsəd yaxın illərdə Avropanın bu bazarda payını 10%-dən 20%-ə qaldırmaqdır. Qitədə 2024-cü ilədək 17 zavodun tikinməsi nəzərdə tutulur. 
Yaponiya  yaxın 2 ildə 6 zavod tikəcək. Gündoğar ölkə bu sahəyə iqtisadi müstəqillik vermək istəyir. 
Çinin isə ixracı aybaay azalır. Noyabrda azalma 20% təşkil edib.  Bunun da səbəbi ABŞ-ın tətbiq etdiyi sanksiyadır. Ölkə ötən il 2.3 milyard dollarlıq yarımkeçirici idxal edib. Halbuki pandemiyadan əvvəl bu rəqəm 3.9 milyon dollar idi. Kompüterə və elektromobilə tələbatın artdığı vaxtda ixracın azalmasının  bir səbəbi var: ABŞ-ın Çinə tətbiq etdiyi bəzi embarqolar.

Vüqar