Ağır yol-nəqliyyat hadisəsi baş verib, 4 ölü, 6 yaralı - VİDEO

Türkiyənin Kahramanmaraş bölgəsində iki nəqliyyat vasitəsinin iştirakı ilə ağır yol qəzası baş verib. Avtosfer.az İHA-ya istinadən xəbər verir ki, hadisə fevralın 13-də gündüz saatlarında  Pazarcık rayonunun Eğrice məhəlləsində qeydə alınıb.

Məlumata görə,  N.İ. (18) idarə etdiyi 27-AY-891 dövlət nömrə nişanlı "Tofaş" markalı minik avtomobili,  Y.Ç. (65) idarə etdiyi 27-V-4492 dövlət nömrə nişanlı "Fiat"la toqquşub.

Zərbənin təsirindən hər iki maşın deformasiyaya uğrayıb.

Qəza nəticəsində 4 nəfər ölüb, 6 nəfər isə xəsarət alıb.

Yaralılar hadisə yerinə cəlb olunan ambulanslarla xəstəxanaya aparılıblar.

Qəza ilə bağlı araşdırmalara başlanılıb.

Namiq Musayev