Avtodayanacaqda iki avtomobildən 30 milyon dollar oğurlanıb – Polis 4 nəfəri axtarır - FOTO

Avtodayanacaqda iki avtomobildən 30 milyon dollar oğurlanıb. Avtosfer.az xəbər verir ki, hadisə Türkiyənin İstanbul şəhərində baş verib. Məlumata görə, valyutadəyişmə məntəqəsi işlədən Bilal D., oradan götürdüyü 30 milyon dolları Bakırköydə yaşadığı yaşayış kompleksinin avtodayanacağına gətirib və pulları 2 avtomobilin baqajına qoyub.

Daha sonra dörd nəfər avtomobillə dayanacağa gələrək hər iki avtomobilin şüşələrini sındırıb və baqajları açaraq orada olan 30 milyon dolları götürərək qaçıblar. Ertəsi gün Bilal D. dayanacağa gedib. Avtomobillərin şüşələrinin sındığını, baqajların açıq olduğunu və pulların orada olmadığını görən Bilal dərhal qarətlə bağlı polisə məlumat verib.

İnsident yerinə gələn polis əməkdaşları dayanacaqda araşdırma apararaq  təhlükəsizlik kameralarını izləyiblər. Hazırda hadisəni törətməkdə şübhəli bilinən dörd nəfər axtarışa verilib.

Namiq Musayev