Azərbaycan SSR-də traktorların mavi olmasının SƏBƏBİ - FOTO

Azərbaycanda bu gün də sovet dövründən qalmış çox sayda kənd təsərrüfatı texnikası istismar olunur. Bunların arasında traktorlar üstünlük təşkil edir. Onların ən geniş yayılmış rəngi isə mavidir. Bəs bu seçim təsadüfdür, yoxsa qanunauyğunluq?

Avtosfer.az xəbər verir ki, mənbələrdə məsələ ilə bağlı müxtəlif səbəblər göstərilir. Faktlara nəzər yetirdikdə məlum olur ki, rəng seçimi həm ideoloji, həm də texniki məsələlərlə bağlıdır. 

Müharibəyədək Sovet itifaqında traktorlar qara, xaki və qırmızı rəngdə (Sovet bayrağı rəngdə) istehsal edilirdi. Müharibədən sonra isə ideoloqlar təklif etdilər ki, artıq döyüşləri, qanlı-qadalı illəri unutmaq lazımdır. Bu səbəbdən xaki (zeytun) rəng sırf hərbi texnika üçün ayrıldı. 

Mavi rəng isə bərəkət simvolu olduğundan traktorların belə boyanması tövsiyə olundu. Texniki cəhətdən isə mavi rəng o dövrdəki qrunta çox gözəl yapışırdı. 70-80-ci illərin MTZ traktorlarına baxsaq onların boyasının tam silinmədiyini görərik. Üstəgəl, mavi boyada cızıq çox da hiss olunmur. Üstəgəl, bir rənglə işləmək hazır məhsulun maya dəyərini və bərpa xərclərini aşağı salır.

İxrac təyinatlı traktorlar isə bir qayda olaraq tünd qırmızı rəngə boyanırdı. Bu boyanın keyfiyyəti isə tam başqa idi.

Vüqar