“Azza” səkini zəbt edib piyadalara “kimə şikayət edirsənsə, et” deyir - İDDİA - FOTO

Avtosfer Foto 6 Fevral 2024 20:34 Oxunub 368
“Azza”  səkini zəbt edib piyadalara “kimə şikayət edirsənsə, et”  deyir - İDDİA    - FOTO
WhatsApp kanalımıza abunə ola bilərsiniz

Paytaxt küçələrində dayanma-durma qaydalarını pozan sürücülər olduqca çoxdur. Xüsusilə səkiləri zəbt edən nəqliyyat vasitələri piyadaların təhlükəsiz və rahat şəkildə hərəkətinə əngəl törədir. Təbii ki, qayda pozan sürücülər müxtəlif bəhanələr gətirərək vəziyyətdən çıxış yolu tapırlar. Lakin istənilən halda qayda pozuntusuna yol vermək olmaz.
İşıqlandırdığımız və həmişə aktual olan qayda pozuntusu Nəsimi rayonu Xan Şuşinski 62 ünvanında qeydə alınıb. İzləyici tərəfindən Avtosfer.az-a göndərilən fotoşəkillərdən aydın olduğu kimi, 90-ST-244 dövlət nömrə nişanlı və 99-JN-138 dövlət nömrə nişanlı “Mercedes” markalı yük maşınlarının sürücüləri dayanma-durma qaydalarını pozub. Şikayətçinin iddiasına görə, qayda pozan nəqliyyat vasitələri “AZZA” QSC-yə məxsusdur. O bildirib ki, yük maşınları uzun müddət səkidə dayanaraq insanların hərəkətinə maneə olur. Nəticədə piyadalar məcbur qalaraq yolla hərəkət edir və özlərini təhlükəyə atırlar. Vətəndaş vəziyyətlə əlaqədar şirniyyat mağazasına dəfələrlə şikayət etdiklərini, lakin qarşılığında “kimə, hara müraciət edirsiniz edin” deyə, cavab aldıqlarını əlavə edib.
 

Nərmin

FOTO QALEREYA
ŞƏRH YAZ
Ad

E-mail

Şərh