Dizel avtobusu olmayan 20 milyonluq şəhər – DÜNYADA İLK - FOTO

Çinin bu günlərdə təşkil etdiyi mediatur bir çox ölkənin əhalisində qibtə hissi yaradıb. 

Avtosfer.az xəbər verir ki, Şençjen şəhərində diqqəti cəlb edən əsas məsələ çox dəqiq işləyən ictimai nəqliyyatdır. Dünyada ilk dəfə 20 milyonluq şəhərdə 1 dənə də olsa Dizel mühərrikli avtobus yoxdur. İctimai nəqliyyatın təşkilində süni intellektdən geniş istifadə edilir. 
Maraqlıdır ki, elektrobuslardan həm sürücülər, həm də sərnişinlər razıdır. Sürücülər idarəetmə rahatlığını, sərnişinlər isə komfortu önə çəkirlər. 
Nəqliyyata məsul şəxslər bildirirlər ki, elektrikləşmə 2016-da başlayıb və kifayət qədər çətin olub. İndi isə infrastruktur hazırdır və dünya ölkələri u təcrübəni öyrənir. 
Ekoloqları razı salan məqam isə şəhərdə tüstünün yoxa çıxmasıdır. 
Avtobuslar nə qədər çox olsa da, şəhərdə əsas daşıma 2004-cü ildə istismara verilmiş metronun üzərinə düşür. Yeraltı nəqliyyatdan hər gün 4 milyon nəfər istifadə edir.

Vüqar