Əlillərin yolunu kəsən "Mercedes" sürücüsü kimdir? - ŞİKAYƏT - FOTO

Qarabağ müharibəsi əlili fiziki qüsurlu şəxslər üçün nəzərdə tutulmuş pandusun önünü kəsən sürücüdən şikayətçidir. Avtosfer.az xəbər verir ki, Sabunçu rayonu, Yeni Ramana qəsəbəsindəki "Aplus' marketin girişində əlil və uşaq arabası ilə mağazaya daxil olmaq üçün pandus qoyulub. 99 LL 729 dövlət nömrə nişanlı, "Mercedes" markalı avtomobilin sürücüsü isə maşını düz pandusun önünə park edib. Nəticədə əlil insanların marketə girişinə maneə yaradıb. 
Fotoları təqdim edirik və ümid edirik ki, Dövlət Yol Polisi bu sürücü barəsində müvafiq qaydada tədbir görəcək.

Nərminə Əli