“Gelandewagen”lə piyadaları vurdu: 6 nəfər xəsarət alıb - FOTO + VİDEO

Türkiyənin Muğla şəhərində minik avtomobili yol kənarında hərəkət edən piyadaları vurub.

Avtosfer.az yerli KİV-ə istinadən xəbər verir ki, hadisə Bodrum rayonunda qeydə alınıb.

Məlumata görə, sürətlə hərəkətdə olan “Mercedes Gelandewagen” markalı minik avtomobili, sürücünün idarəetməsindən çıxaraq əvvəlcə yol kənarında hərəkət edən bir qrup piyadanı vurub, daha sonra isə bir neçə nəqliyyat vasitəsinə çırpılıb.

Nəticədə aralarında yerli və xarici turistlərin olduğu 6 piyada xəsarət alıb.

Yaralılar, hadisə yerinə cəlb edilən ambulanslarla xəstəxanaya çatdırılıblar.

Polis qəzanın başvermə səbəblərini araşdırır.

Namiq Musayev