İki avtomobil toqquşdu; 2 ölü, 10 yaralı - FOTO

Türkiyənin Qaziantep vilayətində iki nəqliyyat vasitəsinin iştirakı ilə ağır yol qəzası baş verib.

Avtosfer.az xəbər verir ki, hadisə Nurdağı-Qaziantep avtomagistralının 5-ci kilometrliyində qeydə alınıb.

Məlumata görə, sözü gedən yolda iki minik avtomobili, hələlik müəyyənləşdirilməyən səbəblərdən toqquşub.

Qəza nəticəsində ümumilikdə 12 nəfər xəsarət alıb. Yaralılar, hadisə yerinə cəlb edilən ambulanslarla xəstəxanaya çatdırılıblar. Lakin onlardan ikisinin həyatını xilas etmək olmayıb.

Faktla əlaqədar araşdırma aparılır.

Namiq Musayev