İki əsr əvvəl dünyada hibrid avtomobil belə idi - "Porcshe"-nin hibridi - VİDEO-FOTO

Bu gün çoxları belə düşünür ki, hibrid avtomobil 21-ci əsrin son onilliyinin məhsuludur. Lakin avtomobil tarixini izlədikdə bunun doğru olmadığı üzə çıxır. Avtomobil sənayesində əksər mütərəqqi ideyalar kimi hibrid modellərin də təməli 19-cu əsrdə qoyulub. Avtosfer.az bildirir ki, 19-cu əsrin son illərində yarış elektromobillərinin istehsalı ilə məşhurlaşan alman mühəndis Ferdinand Porşeni bu məsələ çox narahat edirdi: akkumulyatorlar çox ağırdır, resurs azdır. Gənc ixtiraçı çarəni unikal yolla tapır. O, avtomobilin qabaq oxuna generatordan qidalanan 2 elektrik mühərriki quraşdırır. Avtomobilin özündə 2 ədəd 3,5 at gücü fransız benzin mühərriki quraşdırılır. Onlardan hər biri 2.5 at gücündə 2 generatoru hərəkətə gətirirdi. Cərəyan generatordan mühərriklərə ötürülür, artıq qalan enerji isə akkumumyatorların dolmasına sərf edilirdi (eynən müasir hibridlərdəki kimi). Bu avtomobildə tarixdə ilk dəfə olaraq elektromaqnit tormozlamadan istifadə edilib. Yəni üzüaşağı hərəkət edərkən təkərdəki mühərrik generator rejimində işləyib həm batareyanı doldurur, həm də sürəti azaldırdı. Bu prinsip indi də ciddi dəyişikliyə uğramadan elektrik nəqliyyatında uğurla tətbiq edilir. Məsələn, Bakı metropolitenində Elmlər Akademiyası – Nizami mənzilində 60%-lik enişi qatarlar məhz belə düşür. Mexaniki tormoz bu qədər yükə sadəcə olaraq dözə bilməz.
“Semper Vivus” adlı model 1900-cü ildə Paris Beynəlxalq Sərgisində təqdim edilən andan məşhurlaşır. Sərgidə 25 yaşlı mühəndis 300 avtomobil üçün sifariş alır. 
Bundan sonra Porşe nəqliyyat vasitəsini təkmilləşdirir və maksimal sürəti  50 km/saata , bir dəfəyə qət ediləcək yolu da 50 kilometrə çatdırır.
Təəssüf ki, istehsal edilmiş modellərin hamısı Avropada müharibələr dövründə itib. 2011-ci ildə isə Porsche şirkəti çertyojlar əsasında avtomobilin orijinalı ilə tam eyni olan surətini hazırlayıb. Avtomobil hazırda şirkətin muzeyindədir.

Vüqar Yaşaroğlu