“İrəli çıxan” köşk və obyektlər səkini belə zəbt edirlər – FOTO

Piyadaların rahat və təhlükəsiz hərəkəti üçün səkilər təşkil olunub. Lakin səkilərin avtomobillər və obyektlər tərəfindən zəbt olunduğu tez-tez müşahidə olunur. Bu da piyadalar üçün həm maneə, həm də təhlükə yaradır.

Avtosfer.az xəbər verir ki, analoji vəziyyət Əhmədli qəsəbəsi, Məhəmməd Hadi küçəsindəki avtobus dayanacağında da hökm sürür.

Belə ki, səkinin sözügedən hissəsində köşk “irəli çıxıb” və ona bənzər obyektlərdə piyadaların yolunu zəbt edib. Bu səbəbdən piyadalar da maşın yoluna çıxaraq hərəkət etməli olurlar. Həmin yol isə işlək yoldur və insanlar təhlükə ilə üz-üzə qalırlar.

Qeyd edək ki, son vaxtlar piyada vurma hadisələrinin sayı artıb. Keçiddən, səkidən istifadə etməyən piyadalar qəza qurbanı olurlar. Səkilərin zəbt olunması isə vətəndaşlar üçün təhlükə mənbəyidir.

Ümid edirik ki, məsələ ilə bağlı müvafiq qurumlar yaxın zamanda tədbir görəcək.

Məhəbbət Tərlanoğlu