İspaniyada təzə qatar tuneldən keçə bilmədi

İspaniyanın “Renfe” şirkətinin sifariş verdiyi qatarlarda problem ortaya çıxıb.
Avtosfer.az-ın xəbərinə görə, şirkət 2020-ci ildə CAF firmasına 40 ədəd regional qatar sifariş edib. 258 milyon dollarlıq layihədə məqsəd yarım əsrlik qatarları yeniləmək olub. Lakin ortaya bir problem çıxıb. 
Məlum olub ki, yeni qatarlar çox hündür olduğundan ölkənin şimalındakı tunellərdən keçə bilmir. Şirkət məsələdən layihə mərhələsində xəbər tutub.
Bu günlərdə ortaya çıxan problem ciddi narazılıq yaradıb. Əslində məsələ ictimaiyyətdən gizli saxlanılıb. Lakin bu il xəttə çıxmalı olan qatarları görməyən jurnalistlər məsələni araşdıraraq həqiqəti üzə çıxarıblar.   
Bu diqqətsizliyə görə qatarların təhvil verilməsi 2 il ləngiyib.