“Rent a car”dan kirayə avtomobil götürərkən diqqətli olun – XARAB MAŞINLAR VERİLİR - VİDEO

Son vaxtlar kirayə avtomobil bazarında xeyli canlanma var. “Rent a car” adlanan, kirayə avtomobil verən yerlərə əsasən turistlər, uzaq səfərə gedənlər müraciət edir.

Bəzən xoş səyahət xəyalı ilə kirayə götürülən avtomobil insanları yarı yolda qoyub xəyallarını puç edir. “Rent a car”dan avtomobil götürüb yolda qalanlardan biri də Fuad Haşımovdur. O deyir ki, eyni problemlə dəfələrlə rastlaşıb.

Avtomobil üzrə mütəxəssis Adil Səmədov deyir ki, hər “Rent a car”dan hər maşını götürmək olmaz. Avtomobil kirayələyərkən hər ikisinin keyfiyyətinə diqqət etmək lazımdır.

Nəqliyyat eksperti Elməddin Muradlı deyir ki, “Rent a car” şirkətləri avtomobilləri yoxladıqdan sonra kirayə verməlidir.

Onun sözlərinə görə, əksər şirkətlər servis xidmətindən istifadə etmir. Kirayələnən avtomobillə bağlı hər hansı problem yaranarsa, dəymiş zərər sonradan ödənsə belə ünvana istənilən vaxtda rahat şəkildə çatrmayanda artıq onun da bir o qədər əhəmiyyəti qalmır.

Buna görə “Rent a car”lardan avtomobil götürərkən yarı yolda qalmamaq üçün diqqətli olmaqda fayda var.