Bakıda "07" ilə asfaltı "yazan" sürücü "hoqqa verdi" - DYP onu axtarır - VİDEO

Paytaxtın Xətai rayonu, Məhəmməd Hadi küçəsində qaydaları kobud şəkildə pozan sürücü avtoxuliqanlıq hərəkətləri edib. Avtosfer.az xəbər verir ki, bu barədə avtomobili idarə edən şəxs sosial şəbəkələrdə video paylaşıb.

Belə ki, 90-NC-031 dövlət nömrə nişanlı, "VAZ 2107" markalı avtomobilin sürücüsü günün qaranlıq vaxtında ardıcıl olaraq təhlükəli manevrlər edir. Həmçinin maşının təkərlərini asfalt örtüyünə sürtərək səs çıxarır. Daha sonra isə bunu videoya çəkdirərək sosial şəbəkələrdə paylaşıb. 

Bakı Şəhər Dövlət Yol Polisi İdarəsindən Avtosfer.az-ın sorğusuna cavab olaraq bildirilib ki, yayılmış video ilə bağlı araşdırma aparılır. Sürücünün müəyyən edilməsi və məsuliyyətə cəlb olunması istiqamətində işlər davam etdirilir.

Videonu təqdim edirik:

Fərid