47 ilin avtomobilini müasir formada yığdırdı - 50 minə satmadı - VİDEO

47 ilin avtomobilini müasir formada yığdırdı... 50 min manat təklif etsələr də satmadı. Paytaxt sakini Ülvi Babayev babasından yadigar qalan Qaz-24 markalı minik avtomobilini rekonstruksiya edərək bu cür maraqlı görkəmə saldırıb. Avtosfer.az xəbər verir ki, sahibi avtomobilin 1971-ci ildə istehsal edildiyini, elə həmin ildən də babasında olduğunu deyir. Ülvi Babayev avtomobili yeni görkəmə salmaq üçün 15 min manata yaxın xərc çəkdiyini, təmirn də 6 aya başa gəldiyini bildirir. Maşının salonu tam dəyişdirilib və müasir formada yığılıb. Mühərrik və əsas ehtiyat hissələrinə isə toxunulmayıb.

Ülvi Babayev deyir ki, avtomobili satmaq fikri yoxdur. Sahibi bildirir ki, yeni görkəmdə olan Qaz-24 görənlərin diqqətini çəkir. O gələcəkdə də avtomobilin üzərində bir sıra dəyişikliklər etmək niyyətindədir.