Ara küçəyə girmək istəyən sürücü sərnişin avtobusunu qəzaya saldı - VİDEO

Türkiyənin Bursa şəhərində sərnişin avtobusu qəzaya uğrayıb. Avtosfer.az yerli KİV-ə istinadən xəbər verir ki, hadisə Osmanqazi rayonunda qeydə alınıb.

Məlumata görə, ara küçəyə daxil olmaq istəyən sürücü, idarə etdiyi avtomobili qəfildən 38 saylı marşrut xətti üzrə hərəkət edən sərnişin avtobusunun qarşısına döndərib. Avtobus sürücüsü qəzanı önləmək üçün sükanı sağa döndərsə də qəza qaçılmaz olub. Avtobus taksi dayanacağının qarşısındakı elektrik transformatoruna çırpılıb. Hadisədən sonra avtobusu sıxışdıran sürücü heç nə olmamış kimi yoluna davam edib.

Nəticədə xəsarət alan olmasa da avtobusun ön hissəsinə ciddi zərər dəyib.

Namiq Musayev