Avtobusdakı sərnişinlər ölümdən qurtuldular: yolda dəlik yarandı – FOTO+VİDEO

Şəhərdə avtobusda olan 21 sərnişin, sadəcə, təsadüf və sürücünün məharəti sayəsində sağ qalıblar. Çünki yolda qəflətən iri dəlik yaranıb. Avtosfer.az milli.az-a istinadən bildirir ki, olay Çinin Quansi vilayətindəki Nanyin şəhərində, Szinan-roud küçəsində yaşanıb. 21 sərnişin olduğu avtobus mərkəzi küçə ilə sürətlə hərəkət edirdi. Bu zaman küçədə qəflətən iri dəlik yaranıb. Dəliyin eni 3 metr, dərinliyi 3,2 metr idi. Avtobusun sürücüsü sayıq davranıb və nəqliyyat vasitəsini dəlikdən bir qədər öndə saxlayıb. Bununla da o, faciənin qarşısını alıb. Avtobusun hərəkət etdiyi zolaq təmir üçün bağlanıb.