Avtomobil ödəniş məntəqəsinə çırpıldı; ölən və xəsarət alanlar var - ANBAAN VİDEO

Braziliyanın Kampinas şəhərində ağır yol-nəqliyyat hadisəsi baş verib. Avtosfer.az xəbər verir ki, hadisə "Governador Adhemar Pereira de Barros" magistral yolunda qeydə alınıb. Belə ki, 24 yaşlı sürücü idarə etdiyi avtomobillə yüksək sürətlə hərəkətdə olarkən ödəniş məntəqəsinə çırpılıb. Güclü zərbənin təsirindən məntəqə qurğusunun bir hissəsi çökərək ərazidəki digər nəqliyyat vasitələrinin üzərinə aşıb. Qəza nəticəsində avtomobilin 24 yaşlı sürücüsü həyatını itirib, 7 nəfər isə müxtəlif dərəcəli bədən xəsarətləri alıb. Yaralılar dərhal yaxınlıqdakı xəstəxanalara yerləşdirilib. Hüquq-mühafizə orqanlarının əməkdaşları sürücünün sərxoş olub-olmadığını və hadisənin dəqiq səbəblərini müəyyənləşdirmək üçün araşdırmalara başlayıb.           

Namiq Musayev