Avtomobili qaçırıb polislə qaçdı-tutdu oynayan yeniyetmələr qəza törətdi – ANBAAN VİDEO
Avtosfer TV 14 Sentyabr 2020 18:00 Oxunub 616
Avtomobili qaçırıb polislə qaçdı-tutdu oynayan yeniyetmələr qəza törətdi – ANBAAN VİDEO

Rusiyanın Moskva əyalətində avtomobil qaçıran məktəblilər qəza törədiblər. Avtosfer.az xəbər verir ki, hadisə Odinçov şəhərində qeydə alınıb.

Məlumata görə, adı açıqlanmayan yeniyetmə oğlan (təxminən 12-13 yaşlı) valideynlərinin icazəsi olmadan avtomobili qaçıraraq eyni yaşlarda olan iki dostu ilə birgə şəhərin “Minsk” şosesində sürməyə qərar verib. Avtomobillə hərəkətdə olan yeniyetmələr qayda pozublar və bu da həmin vaxt ərazidə xidmət aparan yol patrul əməkdaşlarının gözündən yayınmayıb.

Polis qayda pozanları saxlamaq istəsə də, onlar əmrə tabe olmayaraq yollarına davam ediblər. Asayiş keşikçiləri isə yeniyetmələri məsuliyyətə cəlb etmək üçün təqibə başlayıb.

Əmrə tabe olmayan qayda pozanlar, bir müddət sonra avtomobil sükanı üzərində hakimiyyətlərini itirmələri səbəbindən dəmir arakəsmələrə çırpılıblar.

Qəza nəticəsində 3 məktəbli (bir qız ikisi oğlan) xəsarətlər alıb və yaralılar təcili tibbi yardım briqadasının köməkliyi ilə xəstəxanaya çatdırılıblar.

Hazırda faktla bağlı araşdırma aparılır.

 

Namiq Musayev

 

 

ŞƏRH YAZ
Ad

E-mail

Şərh