Avtosfer.az yazdı, DİN reaksiya verdi, vətəndaşın problemi həllini tapdı - VİDEO

Bir neçə gün əvvəl Paytaxtın Ağ şəhər adlanan ərazisində "parkovşiklər" vətəndaşa hücum məkməsi ilə bağlı videomüraciəti Avtosfer.az saytı vasitəsilə yayımlanmışdı. Vətəndaş Elvin Mirəliyev ailəsi ilə Ağ şəhər ərazisində istirahətdən gələn zaman "parkovşiklərin"  hücumuna məruz qalmışdı. 

Vətəndaş yenidən videomüraciət yayımlayaraq Avtosfer.az saytına və DİN rəhbərliyinə təşəkkürünü bildirib. Qeyd edib ki, məlumat yayımlandıqdan dərhal sonra onunla müvafiq qaydada əlaqə saxlanılıb və bu məsələdə günahkar olanlar cəzalandırılıb. 

Elvin Mirəliyev problemi işıqlandırdığına görə saytmıza münnətdarlığını bildirb. 

Xatırladaq ki, vətəndaş özünə məxsus 10-VL-011 dövlət nömrə nişanlı, "BMW" markalı avtomobili ərazidə park edib. Çıxan zaman isə özünü parkinq əməkdaşı kimi təqdim edən şəxs ondan pul tələb edib. Pulu vermədikdə isə digər "həmkarları" ilə bərabər ailəsinin yanında ona hücum çəkiblər. Təhqiredici ifadələr işlədib, avtomobilə və vətəndaşa zərbələr endiriblər. 

Qeyd edək ki, vətəndaşı döyən şəxslər özlərini "Çinar parkinq" şirkətinin əməkdaşları kimi təqdim edib. Xatırladaq ki, adıçəkilən şirkət keçmiş polis rəisi, Nizami Qocayevə məxsusdur. 
Xatırladaq ki, Nizami Qocayev son olaraq İsmayıllı rayon polis Şöbəsinin rəisi olub.

Fərid