Bakı-Qazax yolunda təhlükə yaradan yük maşını sürücüləri aşkar edildi - ANBAAN VİDEO - YENİLƏNİB

Avtosfer TV 25 Aprel 2023 22:47 Oxunub 1298
Bakı-Qazax yolunda təhlükə yaradan yük maşını sürücüləri aşkar edildi - ANBAAN VİDEO   - YENİLƏNİB
WhatsApp kanalımıza abunə ola bilərsiniz

"Bakı-Qazax yolunda yük maşını sürücüləri təhlükəli vəziyyət yaratması ilə bağlı yol polis idarəsində araşdırma aparılıb və qayda pozan sürücülər aşkar edilib".

Bu barədə Baş DYP İdarəsinin baş inspektoru, polis kapitanı Toğrul Nəsirli BAKU.WS-in sorğusuna cavab olaraq bildirib.

Onun sözlərinə görə, həmin sürücülər barəsində qanuna müvafiq olaraq sənədləşdirmə işləri aparılacaq.

“Bir daha bütün sürücülərin, xüsusən də yük maşını sürücülərin diqqətinə çatdırırıq ki, belə kobud qayda pozuntuları ilə özlərinin və digər hərəkət iştirakçılarının həyatlarını təhlükəyə atmasınlar. Yol hərəkəti qaydalarına ciddi əməl etsinlər.

Belə sürücülərə qarşı mütamadi olaraq tədbirlər görülür və bundan sonra da davam etdiriləcək”, - deyə Toğrul Nəsirli bildirib.

***

Bakı-Qazax yolunda yük maşını sürücüləri təhlükəli vəziyyət yaradıblar.

Bu barədə görüntülər BAKU.WS-in "qaynar xətt"inə göndərilib. 

Mişar daşları ilə dolu olan iki yük maşınının sürətlə hərəkət etdikləri görüntülərə əks olunub. 

Hər iki yük maşını sürücüsü yolu bir-birlərinə güzəştə getməyərək təhlükəli vəziyyət yaradırlar. 

Bununla da hər iki sürücü həm özləri həm də digər nəqliyyat vasitələri üçün qəza şəraitinin yaranmasına səbəb olublar. 

Görüntüləri təqdim edirik:

ŞƏRH YAZ
Ad

E-mail

Şərh