Bakı-Quba yolunda maşın belə yandı - VİDEO

Bakı-Quba yolunun 46-cı kilometrliyində, Sumqayıtın Hacı Zeynalabdin Tağıyev qəsəbəsindən keçən hissəsində minik avtomobili yanıb. Hadisə şahidləri yanğının videosunu Avtosfer.az-a göndərib. Şahidlərin sözlərinə görə, avtomobil hərəkətdə olarkən qəfildən alovlanıb. Alov tez bir zamanda avtomobili bürüdüyündən sürücü son anda maşından çıxaraq xilas ola bilib.

Fövqəladə Hallar Nazirliyi də hadisə ilə bağlı məlumat yayıb. Bildirilir ki, əraziyə gələn yanğınsöndürənlər alovun qarşısını alsa da, avtomobilin yanar hissələri tamamilə yanıb. Yaxınlıqdakı elektrik dirəyi yanğından mühafizə olunub.

Fərid