Bakı-Sumqayıt yolunda səbirsizlik edən sürücülər davaya çıxdı - VİDEO

Oxuculardan biri Avtosfer.az-ın elektron ünvanına video göndərərək şikayətçi olub. Belə ki, Bakı-Sumqayıt yolunda hərəkət edən zaman manevr qaydalarını pozan 99-UP-671 dövlət nömrə nişanlı avtomobilin sürücüsü onun önünə keçib. Bundan qəzəblənən sürücü sürəti artıraraq digərinin arxasınca gəlir və on çatanda mübahisə edərək qanunu izah etməyə çalışır. Amma əsəblərini cilovlaya bilməyərək kobud ifadələrdən istifadə edir. 

Bir az irəlidə isə ikinci sürücü onun önünü kəsərək "hesab soruşur." Nəticədə sürücülər maşından düşərək bir-birinə qarşı nalayiq ifadələr işlədirlər. Hətta əlbəyaxa davaya qədər məsələ çatır. Sərnişinlərin müdaxiləsindən sonra qayda pozan sürücü maşına əyləşərək uzaqlaşır.

Avtosfer.az olaraq bildirirk ki, sürücülər bu cür vəziyyətlərdə səbr nümayiş etdirməlidir. Mümkündür ki, digər sürücü səhv elədi və qayda pozdu. Buna aqressiv münasibət isə nəticədə ağır formalara gətirib çıxara bilər.

Videonu təqdim edirik:

Fərid