Bakıda "avtoş" sürücü "Mercedes"lə yolu bir-birinə qatdı -99-NN-461 - VİDEO

Yolda avtoxuliqanlıq edən sürücü kameraya düşüb. Avtosfer.az xəbər verir ki, hadisə paytaxtın Rəşid Behbudov küçəsində qeydə alınıb. Videodan da göründüyü kimi 99-NN-461 dövlət qeydiyyat nişanlı, “Mersedes Benz” markalı avtomobilin sürücüsü 3 zolaqlı sıxlıq olan yolda bir zolaqdan digərinə keçərək ötmə etməyə çalışır. Bu zaman qarşısına çıxdığı avtomobilin siqnallaması sonrası əsəbiləşən sürücü bu dəfə daha böyük qayda pozuntusu törədib yolun qarşı tərəfinə keçir. GTA oyununu xatırladan hadisənin sonunda sürücü  dayanma-durma qaydasını pozub haqlı şəkildə etiraz edən sürücüylə “nə olub dünyanın axrıdır?” -  deyərək mübahisəyə girir. 

Sürücülük vəsiqəsi daşıyan şəxsin bu şəkildə qayda pozuntularına yol verməsi qəbuledilməzdir. Yolun altını-üstünə gətirən sürücünün gəlib ən sonunda qırmızı işıqda dayanması isə onun yol hərəkəti qaydalarını  bilməməsi ilə də əlaqələndirilə bilər. 
Qeyd edək ki, bu kimi hallar İnzibati Xətalar Məcəlləsinə görə qadağandır. Ümid edirik ki, Dövlət Yol Polisi İdarəsi sürücünü sərt şəkildə cəzalandıracaq.

Yunis