Bakıda "avtoş" yol polisdən qaçmaq üçün bir maşını əzdi, bardürün üstündən... - ŞOK VİDEO

Sentyabrın 13-ü paytaxtın Nizami rayonu, Qara Qarayev prospektində avtoxuliqanlıq edən 90 PK 093 dövlət nömrə nişanlı, "Lada Priora" markalı avtomobilin sürücüsü 28 yaşlı Kənan Məmmədli saxlanılıb. Yol polisi əməkdaşları Neftçilər dairəsində ona saxlama işarəsi verib. Sürücü qarşıda sveteforda dayanan 99 TF 693 dövlət nömrə nişanlı, "Renault" markalı avtomobili vuraraq yoldan çıxarıb qaçmağa çalışıb.

YPX əməkdaşlarının yaxınlaşdığını görərək sola manevr edib və bardürün üstündən qarşı yola çıxaraq hadisə yerindən qaçıb. Lakin 99 YP 279 dövlət nömrə nişanlı YPX avtomobilin ekipajı az sonra həmin nəqliyyat vasitəsini saxlayıblar. Hazırda avtomobilin cərimə meydançasındadır. Sürücü barəsində toplanmış materiallar aidiyyəti üzrə Nizami rayon Məhkəməsinə göndərilib.

Məlum olub ki, Kənan Məmmədli bir neçə ay əvvəl 714 manat cərimə borcunu ödəmədiyi üçün sürücülük hüququndan məhrum edilib. Hal-hazırda sürücülük hüququ yoxdur. Bütün bunlar nəzərə alınmaqla məhkəmə onun barəsində yenidən 1 il sürücülük hüququndan məhrum etməklə 20 gün müddətində inzibati qaydada həbs qərarı çıxarıb.

Fərid