Bakıda bərbad vəziyyətdə olan küçə: palçıqdan keçmək olmur - VİDEO

Düşmənlə üz-üzə duran əsgərlərimizi düşünəndə, bu gün sosial-məişət problemlərini unutmaq istəyirsən. Amma onu da düşünürsən ki, qəhrəman əsgərlərimiz elə ölkənin abad və firavanlığı üçün fədakarlıq edirlər.

Şəhid gizir Nəcməddin Quliyevin son arzusunun doğma kəndinin yolunun asfaltlanması olması bizi çox təsirləndirdi. Bu arzu həm də kənd-qəsəbə yollarının bərbad olduğunu bir daha təsdiqlədi. Təkcə rayonlar yox, hətta paytaxt Bakının əksər kənd və qəsəbə yolları abadlaşdırılmalıdır. Bəlkə də bu addım şəhidlərin xatirəsinə ən böyük ehtiram olardı.

Badamdar qəsəbəsinin 3-cü yaşayış massivindəki 51-ci küçənin asfalt problemi barədə hələ bir il əvvəl yazəlmışdı. Yağışlı günlərdə uşaqların məktəbə, valideynlərin isə işə palçıq içində yollanır. İzləyicinin göndərdiyi video həmin küçədə son yağışlı günlərdə çəkilib. Ümid edirik ki, aidiyyəti qurumlar bu məsələni diqqətdə saxlayacaq.

Leyla