Bakıda dəfələrlə qayda pozub ölümə gedən motosiklet sürücüsü belə saxlanıldı - FOTO

Bakıda özbaşınalıq edən motosiklet sürücüsü saxlanılıb.

Avtosfer.az xəbər verir ki, bu barədə Baş Dövlət Yol Polisi İdarəsindən məlumat verilib.

Bildirilib ki, sürücülük hüququ, eləcə də motosikletin dövlət qeydiyyat nişanı olmadan, yol hərəkəti qaydalarını kobud şəkildə pozan və bu hərəkətlərini sosial şəbəkələrdə paylaşan 23 yaşlı Dağıstan Respublikası doğumlu İdris Sultanov Yol Polisi əməkdaşları tərəfindən saxlanılıb.

Araşdırmalarla onun müxtəlif zamanlarda 10-a yaxın nəqliyyat vasitələrinə qəsdən zərər yetirərək hadisə yerindən yayındığı da məlum olub. Həmin şəxs barəsində inzibati protokol tərtib edilərək baxılması üçün məhkəməyə göndərilib, idarə etdiyi motosiklet isə cərimə meydançasına yerləşdirilib.

Unutmayaq ki, yol hərəkəti qaydalarına riayət olunması hər bir sürücünün hüquqi məsuliyyəti və vətəndaşlıq borcudur. Yol hərəkəti qaydalarını pozaraq cəmiyyətin təhlükəsizliyini təhdid edən şəxslər barəsində qanunvericiliyin tələblərinə uyğun olaraq sərt tədbirlər bundan sonra da qətiyyətlə tətbiq ediləcək.

Mənbə: Baku.ws