Bakıda əks yola çıxan “Prius” sürücü və sərnişinlərə qorxu yaşatdı - VİDEO

Paytaxtın Yasamal rayonunda qayda pozan sürücü qəza şəraitinə səbəb olub.

Bu barədə izləyicilərdən biri Avtosfer.az-ın “Whatsapp” ünvanına videomaterial göndərib. Hadisə martın 14-də saat 15:05 radələrində Kənar Dairəvi yolda qeydə alınıb. Belə ki, 77-DK-864 dövlət nömrə nişanlı “Toyota Prius” markalı avtomobilin sürücüsü önündəki maşını ötmək üçün bütöv xəttin tələbini pozaraq əks istiqamətli yola çıxıb. Bu zaman o, qarşı tərəfdən gələn avtomobilə təhlükə yaradıb. Maşında özüylə yanaşı ailə üzvlərinin də olduğunu qeyd edən izləyici özünü itirmədən qəfil əyləci sıxdığını və baş verəcək qəzadan son anda xilas olduğunu bildirib. 

Nərmin