Bakıda gənclərin “ölüm oyunu” - Polis araşdırmalara başladı - VİDEO

Maşın təkərini yüksəklikdən buraxaraq, yolda hərəkət edən nəqliyyat vasitələri üçün təhlükə yaradan şəxslər barədə araşdırma başladılıb.

Bu barədə Avtosfer.az-a Daxili İşlər Nazirliyinin (DİN) Mətbuat Xidmətinin əməkdaşı polis baş leytenantı Nurlan Əliyev məlumat verib.

Bildirilib ki, qurum yayılan görüntülərdən məlumatlıdır:

“Araşdırma aparılır, nəticəsi barədə ictimaiyyətə əlavə məlumat veriləcək”.

***

Bakıda gənclər sürücülər üçün təhlükə anlar yaşadıblar.

Hadisə Sədərək ticarət mərkəzinin yaxınlığında baş verib.

Belə ki, naməlum şəxslər təpədən magistral yola təkər yuvarladaraq sürücülərin həyatı üçün ciddi təhlükə yaradıblar.

Bunu əks etdirən görüntülər sosial şəbəkələrdə paylaşılıb. (qafqazinfo)