Bakıda "gözəgörünməz" xətlər kamerada aydın görünür - Müəmmalı protokollar - VİDEO

Bir müddət əvvəl paytaxtın Teymur Elçin və Lermontov küçələrinin kəsişməsində kameralar vasitəsilə elektron protokolların tərtib edilməsi barədə məlumat vermişdik. Son günlər həmin ərazidə cərimələnən bir neçə sürücü redaksiyamıza müraciət edərək nişanlanma xəttinin aydın görünmədiyini bildiriblər. Avtosfer.az-ın əldə etdiyi görüntülərdən də açıq şəkildə görünür ki, qoşa xəttin son hissəsi silinib və faktiki olaraq görünməz vəziyyətdədir. Bu səbəbdən sürücülər həmin yerdən sola dönərək manevr edirlər. Lakin yuxarıdan çəkilən kamera görüntülərində sanki xətt tam görünürmüş kimi əks olunur. Protokollara əlavə edilən fotolarda xətt görünsə də, nəqliyyat vasitəsini idarə edən zaman bu mümkün olmur.

Fərid