Bakıda insanlar məşhur tikinti şirkətindən narazıdır: Ağacı böyrü üstə yıxıblar - VİDEO

Bakının Yasamal rayonu, Əhməd Cəmil və Məhəmməd Hüseyn Şəhriyar küçələrinin kəsişməsində yerləşən ərazidə təhlükəli vəziyyət yaranıb. "Deluxe Residence" şirkətinin apardığı tikinti işləri nəticəsində ərazidəki 20 illik ağac əyilərək yola tərəf aşmağa başlayıb. Sakinlərin Avtosfer.az-ın qaynar xəttinə verdiyi məlumata görə, əvvəllər möhkəm dayanan ağac tikinti işlərindən sonra qəzalı vəziyyətə düşüb və artıq bir aya yaxındır ki, yol kənarında təhlükə mənbəyinə çevrilib. Onlar bu halın tikinti şirkətinin məsuliyyətsizliyindən qaynaqlandığını iddia edirlər. Hadisə yerindən çəkilmiş video görüntülər də bu vəziyyəti təsdiqləyir.

Fərid