Bakıda körpünün altında parkinq salınıb: Qurumlar isə "səlahiyyətimizdə deyil" deyir - VİDEO

Paytaxtın Nəsimi rayonu 3-cü mikrorayon dairəsində dayanma-durma qaydalarını kütləvi şəkildə pozan sürücülər görüntülənib.

Bununla bağlı izləyici Avtosfer.az-a videomaterial göndərib. Belə ki, sözügedən dairədəki körpünün altı sürücülərin parkinq zonasına çevrilib. Şikayətçi bildirib ki, ərazidə nişan yoxdur və piyadalar keçiddən yolun digər tərəfinə keçərkən çətinlik çəkirlər. Görüntüdən də aydın olduğu kimi, hətta əraziyə şlaqbaum qoyulub.
Məsələylə bağlı AYNA-nın mətbuat katibi Tural Orucov Avtosfer.az-ın sorğusuna cavab olaraq bildirib ki, ərazinin təşkil parklanma sahəsi kimi istifadə olunması AYNA-nın səlahiyyətində deyil.

Fövqəladə Hallar Nazirliyindən Avtosfer.az-a verilən məlumata görə, ərazidə yanğın su hovuzu və digər yanğınsöndürmə invertarları  olmadığı üçün qeyd etdiyiniz məsələ Fövqəladə Hallar Nazirliyinin nəzarət dairəsinə aid deyil.

Bakı Şəhər İcra Hakimiyyətinin mətbuat katibi Mətin Hüseynov sorğumuza cavab olaraq ərazinin icranın səlahiyyətində olmadığını bildirdi.

Bakı şəhər Dövlət Yol Polisi İdarəsindən Avtosfer.az-a bildirildi ki, həmin ərazidə hərəkət hissəsinin təhlükəsizliyinin təmin olunması istiqamətində tərəfimizdən nəzarət profilaktik tədbirlər həyata keçirilir. Vətəndaşların müraciətləri əsasında araşdırma aparılıb məsələyə qiymət veriləcək.

Nərmin