Bakıda yerüstü metro çəkiləcək? - ARAŞDIRMA - VİDEO

Avtosfer TV 19 Yanvar 2024 23:29 Oxunub 4458
Bakıda yerüstü metro çəkiləcək? - ARAŞDIRMA   - VİDEO
WhatsApp kanalımıza abunə ola bilərsiniz

Araşdırmalara görə, yeraltı metronun salınması çox baha başa gəldiyi üçün insanların ehtiyacı olan əksər ərazilərdə metrostansiyalar yoxdur.

Təcrübə göstərir ki, yerüstü metronun infrastrukturunun qurulması daha sərfəlidir. Məsələn, Türkiyə, Böyük Britaniya, Rusiya və digər ölkələrdə bu nəqliyyat növündən geniş istifadə edilir. Necə deyərlər, faydası çox, xərci daha az. Azərbaycanda isə metro əsasən yeraltı nəqliyyat vasitəsi kimi inkişaf edib.

Bəs ölkəmizdə yerüstü metro niyə yoxdur? 

“Bakı Metropoliteni” QSC-nin sözçüsü Bəxtiyar Məmmədov mövzu ilə bağlı bildirib ki, Bakı şəhərinin sıx məskunlaşma ərazisi olması, sənaye cəhətdən infrastrukturların geniş yayılması nəzərə alınmaqla stansiyaların yerüstü deyil, yeraltı inşasına qərar verilib.

“Bəs paytaxtdan kənar digər ərazilərdə, məsələn, Sumqayıtda, Xırdalanda və digər ərazilərdə metrostansiya niyə yoxdur?” sualına gəlincə, “Bakı Metropoliteni”nin sözçüsü deyib ki, bu, ilk növbədə paytaxt üçün nəzərdə tutulub. Yaxın illərdə Bakıdan kənar ərazilərdə stansiyaların salınması prioritet deyil.

Ekspertlər isə paytaxtda və ətraf ərazilərdə yerüstü metronun çəkilməsi üçün şərait olduğunu və bu nəqliyyat vasitəsinin daha çox üstünlükləri olduğunu bildirirlər.

 

ŞƏRH YAZ
Ad

E-mail

Şərh