Bakıda yolu qaçaraq keçən qızı maşın belə vurdu - ŞOK REAL VİDEO

Son aylarda piyadaların öülümü ilə nəticələnən qəzaların sayı artıb. Avtosfer.az xəbər verir ki, Dövlət Yol Polisi dəfələrlə xəbərdarlıq etməsinə baxmayaraq yenə məsuliyyətsiz sürücü və piyadaların ucbatından qəzaların sayı artıq. Bakı Şəhər Dövlət Yol Polisi İdarəsinin əməkdaşı, polis moyoru Araz Əsgərli Avtosfer.az-a bildirib ki, maarifləndirmə işlərinin daha da gücləndirilməsi məqsədilə tədbirlər davam edir. "Amma görünən odur ki, piyada və sürücü məsuliyyətsizliyi hələ də qalmaqdadır. Odur ki, piyadavurmalarla bağlı real videogörüntülərin sizin tərəfinizdən yayılması təqdirəlayiqdir. Çünki belə bir deyim var ki, yüz dəfə eşitməkdənsə, bir dəfə görmək yaxşıdır."

Nəqliyyat eksperti Elməddin Muradlı bu cür qəzaları şərh edərəkən qeyd edib ki, piyadalar keçidi görəndə elə bilirlər ki, yol hər zaman onlarındır. "Məsələn bu videoda nizamlanan piyada keçididir. Qarşı tərəfdəki piyadalar gözləyir. Xanım isə yolda yaranmış ani boşluqdan istifadə edərək yolu keçməyə çalışır. Özü də yolu qaçaraq keçir və anidən sürücünün qarşısına çıxır. Piyadalara müraciət edərək bir daha qeyd edirik ki, yolu keçən zaman tamamilə diqqətli olmaq, avtomobilin dayandığına əmin olmaq zəruridir."

Avtosfer.az olaraq biz də bu cür qəza videolarını yaylmaqla piyadaları əyani şəkildə təhlükədən xəbərdar etmək istəyirik. Baxın və nəticə çıxarın.

Orxan