Bakıdakı bu svetoforun piyada işığı işləmir - SAKİNLƏRDƏN ŞİKAYƏT - VİDEO

Bakıda bir müddət öncə quraşdırılmış svetofor düzgün işləmir. Bu barədə həmin yoldan istifadə edən sakinlərdən biri redaksiyamıza məlumat verib. Avtosfer.az xəbər verir ki, söhbət paytaxtın Mikayıl Əliyev küçəsindən (Neolit restoranının qarşısından) gedir. Belə ki, svetoforun üzərindəki piyadaların əllə toxunuş rejimi aktiv olmadığı üçün nəqliyyat vasitələrinə daimi  yaşıl işıq yanır. Həmin küçədə nəqliyyat axını intensiv olduğuna görə piyadalar yolu digər tərəfə keçməkdə çətinlik çəkirlər. Videonu qeydə alan oxucu bildirir ki, avtomobillərə yaşıl işıq yandığı üçün piyadalara yol vermirlər. Nəticədə onlar təhlükə ilə üzləşirlər. Günün qaranlıq saatlarında isə yol sözün əsl mənasında keçilməz olur.

Fərid