Bakının mərkəzini bataqlığa çeviriblər: sürücü və piyadalar əziyyət çəkir - VİDEO

Paytaxtın Yasamal rayonu Əhməd Cəmil küçəsi sözün əsl mənasında bataqlığa çevrilib.

Avtosfer.az xəbər verir ki, yolun kənarında aparılan söküntü işləri nəticəsində asfalt örtüyünə ziyan dəyib. Belə ki, söküntü işlərini aparan şirkət daşıma zamanı təhlükəsizlik qaydalarına riayət etmir. Yük maşınlarının üstü xüsusi örtüklə örtülmür və nəticədə zir-zibil və torpaq yola tökülür.

Yağış yağması nəticəsində isə ərazi tamamilə palçıqla örtülüb. Bu da həm sürücülərin avtomobillərini çirkləndirir, həm də ərazidən istifadə edən piyadalara çətinlik yaradır. 

Aidiyyəti dövlət qurumunın məsələyə müdaxilə etməsi yaxşı olardı. Heç olmasa yolu bu vəziyyətə qoyanlar onu təmizləsinlər. 

Videonu təqdim edirik:

Fərid