Binəqədidə “hoqqabazlıq” edən sürücü və dostları baxın necə təhlükə yaratdı - VİDEO

Paytaxtın Binəqədi rayonunda yol-hərəkəti qaydalarını pozan sürücünün görüntüləri sosial şəbəkədə paylaşılıb.

Avtosfer.az-ın məlumatına görə, 02-BK-213 dövlət nömrə nişanlı “VAZ-2106” markalı avtomobilin sürücüsü yaranmış sıxlıqdan istifadə edərək əks istiqamətli yola çıxaraq axına qarşı hərəkət edib. Digər kadrda isə, o, gah sağa, gah da sola manevr edərək “şou” göstərməyə çalışıb. Axşam saatlarında çəkilmiş görüntülərdə isə, sürücüylə yanaşı dostlarının da təhlükə dolu davranışları öz əksini tapıb. Belə ki, onlardan biri özünü hərəkətdə olan maşının önünə atıb, sərnişin qismində olan digər gənc isə nəqliyyat vasitəsinin qaçısını açaraq yolun digər tərəfində dayanmış dostunu səsləyib. Öz aralarında “zarafat”laşan gənclər daha sonra yolda dayanaraq qarşıdan gələn maşına mane olmağa çalışıblar. 

Nərmin