Binəqədidə yolun ortasında təhlükəli lyuk: Qapağını təkər “əvəz edir” - VİDEO

Paytaxtın Binəqədi rayonu, Abay Kunanbayev küçəsində təhlükəli vəziyyət yaranıb.

Bununla bağlı sürücülük təlimçisi Arzu Babazadə Avtosfer.az-ın qaynar xəttinə video göndərərək məlumat verib. Görüntüdən aydın olduğu kimi, yolun ortasında yerləşən kanalizasiya lyukunun qapağı yoxdur. Bunun əvəzinə təkər qoyulub, lakin bu da təhlükəni dəf etməyib, əksinə, daha da artırıb.

Təlimçi sözügedən küçədə işıqlandırmanın zəif olduğunu vurğulayaraq, xüsusilə gecə saatlarında bu mənzərənin sürücülər üçün ikiqat risk yaratdığını əlavə edib. Nəticədə, yola bələd olmayan sürücülər təhlükəni görmədikdə həm ciddi maddi ziyan, həm də ağır yol-nəqliyyat hadisəsi ilə üzləşə bilərlər.

Ümid edirik ki, aidiyyəti qurumlar sürücülərin təhlükəsizliyini riskə atan bu vəziyyətlə bağlı tezliklə tədbir görəcək.

Nərmin