BNA avtobusun səsindən evdə yata bilməyən sakinlərə kömək etmir - VİDEO - FOTO

Paytaxtın Əhmədli qəsəbəsində avtobusların səsindən yata bilməyən sakinlər Avtosfer.az-ın “qaynar xətt”inə müraciət ediblər. Onların sözlərinə görə, 81 saylı marşrut xəttinin sonuncu dayanacağında dayanan avtobuslardan gələn səslər onların narahatlığına səbəb olur. 
Avtosfer.az xəbər verir ki, şikayəti bizə ünvanlayan oxucu yaranan narahatlıqdan dəfələrlə Bakı Nəqliyyat Agentliyinə müraciət etsə də onun şikayəti ilə bağlı heç bir tədbir görülməyib. 
Qeydə alınmış videodan da aydın şəkildə görünür ki, 99-JZ-285 qeydiyyat nişanlı sərnişin avtobusundan güclü hava püskürməsi nəticəsində gələn səslər hətta hündürmərtəbəli binanın sonuncu mərtəbəsində də eşidilir. 
Ümid edirik ki, BNA qeyd etdiyimiz məsələ ilə bağlı operativ şəkildə tədbir görəcək. 
Görüntüləri təqdim edirik:

Nərminə Əli